கவிச் சோலை

தற்கொலைக் குறிப்பு - I

2012-02-12T10:21:00.001+05:30

மீண்டுமொரு
யாருமற்ற இரவு

சிலத் துளி
விஷம்

சில முழக்
கயிறு

பளபளக்கும்
கத்தி

இதயத் துடிப்பு
குறைந்து
எங்கும் நிசப்தம்....

அன்புடன் எல்கே

பி.கு. இது வல்லமையில் வந்துள்ளது.

பிரிவு

2012-02-03T07:47:00.002+05:30

உன் நினைவுகள்
என்னை வட்டமடித்துக்
கொண்டிருக்க – உன்னைப் பிரிந்திருந்தால்
குறையுமோ என
நினைத்து இரு நாட்கள்
நீ இல்லா
தனிமையில் கழித்தேன்

உன் இருப்பை
விட உன் இல்லாமை – உன்
நினைவுகளைத் தூண்ட
ஒரு வாரப்
பிரிவு இரு நாட்களாகின…

பிரிதல்
எளிதாம் – பிரிந்தே
இருப்பது கடினமாம்

பி.கு இது வல்லமை இதழில் வெளிவந்துள்ளது. வல்லமைக்கு நன்றி.

அன்புடன் எல்கே

ஆண்டுகள் ஐந்து

2012-01-21T20:16:00.000+05:30

கைத்தலம் பற்றி
ஆகப் போகிறது
ஆண்டுகள் ஐந்து !!!

முதன்முறை
சந்தித்ததும் பேசியதும்
இன்றும் என் செவியில்
இனிய ரீங்காரமாய் !!!

சிறு ஊடல்களும்
ஊடலின் விளைவான
காதலும் !!!

கோபம் என்
உடன்பிறப்பாய் இருந்தாலும்
அன்பால் அதை
சாகடித்தாய் !!!

என் வாழ்வின்
பசுமையானப் பக்கங்கள்
உன்னாலே !!!

பி.கு : நாளை ( ஞாயிறு) எனது திருமணநாள்

அன்புடன் எல்கே

உறுதிமொழிகள்

2012-01-01T12:05:00.001+05:30

புதிதாய் சில
உறுதிமொழிகள் - அவற்றிற்கும்
பழைய உறுதிமொழிகளின்
கதியே ...

மீறுவோம் என்றுத்
தெரிந்தே சில
உறுதிமொழிகள் ஆண்டின்
இறுதிக்காய் காத்திருப்பில் ...

ஜனித்த உடன் மரணிக்கும்
சிசுக்களாய் பல - தப்பிப்
பிழைத்து வாழ்வது மிக
அரிதாய் ஒன்றோ இரண்டோ....

-அன்புடன் எல்கே

பின்னோக்கி போகிறேன்

2011-12-01T16:48:00.001+05:30

முழுநிலா வானில்
பவனி வர
என் மனமோ உன்னை எண்ணியது ..

நிலவதில்
உன் முகம் தேடினேன்- வெட்கி
மேகத்தின் பின்
ஒளிந்தது - அவள் முகம்
என்னில் தேடாதே நான்
அழகியில்லை என
சொல்லாமல் சொல்லி ...

உன் சிரிப்பொலி
காதில் விழ - திடுக்கிட்டுத்
திரும்பினேன் - பின்
உணர்ந்தேன் அது காசுகளின்
சிதறல் என்று ...

உன் நினைவலைகள் என் மனதில்
தொடர்ந்து மோத - புறக்
கண்ணது மூடி - அகக் கண்ணில்
பின்னோக்கி போகிறேன் ...

அன்புடன் எல்கே

செங்கால் மடநாராய்!

2011-08-24T07:42:00.000+05:30

முத்தொள்ளாயிரம் செங்கால் மடநாராய்! தென்உறந்தை சேறியேல்,

நின்கால்மேல் வைப்பன்;என் கையிரண்டும் - வன்பால்
கரைஉரிஞ்சி மீன்பிறழும் காவிரி நீர் நாடற்(கு),
உரையாயோ யான்உற்ற நோய். சிவந்த கால்களைக் தன்னகத்தே கொண்டு வாழும் நாரையே, நீ தெற்குப் புறம் சென்றால் காவிரியில் கரை உரசி துள்ளி விளையாடும் மீன்களை காண்பாய் . அம்மீன்களை நீ உண்ட பின், வளமையான காவிரியைத் தன்னகத்தே கொண்ட உறையூர் நாட்டின் தலைவனைக் கண்டு நன்றி உரைக்கும் போது, நான் அவன் மேல் கொண்டிருக்கும் காதலால் அடைந்துள்ள பசலை நோயையும் சொல்வாயானால் உன் காலை என் கை இரண்டால் தொட்டு வணங்குவேன். என் கவிதை தென்திசை சென்றிடும் நாராய்
உன் பதம் பற்றி கேட்கிறேன்
கரையுரசித் துள்ளிடும் மீனுடைக்
காவிரியில் பசியாற்றி - சோழனிடம்
என் காதல் பசலை உரைப்பாயா அன்புடன் எல்கே

பொம்மென பறந்ததாம்

2011-07-24T12:40:00.001+05:30

நாவலங்கனியென்றெண்ணி
நங்கை தன் கையில் கொண்டாள்
மேவிய வண்டு கையைக்
கமலமென்றுன்ன நங்கை
ஆவலோடதனைப்பார்க்க
அவள்முகம் மதியென்றெண்ணி
புவினிக் குவியுமென்றே
பொம்மெனப் பறந்ததம்மா!

இந்த சங்கப்பாடலுக்கு என் புதுக் கவிதை ....

நாவல் என்றெண்ணி மங்கை
அவள் எடுத்த வண்டு - தானிருந்தக்
கையை தாமரை என்றெண்ணி முகம்
நோக்க - முகமோ நிலவென
ஒளி வீச - பறக்காவிடில் மேலுமொரு
தினம் சிறை என நினைத்து
பொம்மென பறந்ததாம் ...

-அன்புடன் எல்கே

அறிகுறிகள்

2011-07-16T06:50:00.002+05:30

சவரம் செய்கையில்
அங்கங்கே
தெரியும் வெள்ளி முடிகள்…

புதுப் பாடல்களை
கேட்கையில்
தோன்றும் எரிச்சல் ..

பிள்ளைகளிடம் பலனற்றுப்
போகும்
அனுபவச் சொற்கள்…

முதுமையை நினைவூட்டும்
அறிகுறிகள் !

- அன்புடன் எல்கே

பி.கு : இது வல்லமையில் வந்துள்ளது

விறைப்பு

2011-07-04T19:52:00.000+05:30

காட்டன்தான்
அவளின் விருப்பம்
அவள் சொற்களும்
விறைப்பானவைதான் – புடவையைப்
போல …
புடவையின் ஓரங்கள்
முகத்தில் அறைந்திருந்தும்
வலித்ததில்லை – இன்று
அவள் சொற்கள்
வலித்தது போல ..

பி.கு இது வல்லமையில் வந்துள்ளக் கவிதை

விவேக சிந்தாமணி

2011-06-30T16:05:00.002+05:30

கொஞ்ச நாள் எழுத மாட்டேன்னு சொன்னேன். ஆனால் நேற்று கூகிள் பஸ்ஸில் நடந்த ஒரு விவாதத்தில் வந்தப் பாட்டு. அதை புதுக் கவிதையில் மாற்றி இருக்கேன்.

உந்தியின் சுழியின் கீழ் சேருரோமமாம் கரியநாகம்
சந்திரன் எனவே எண்ணித் தையலாள் முகத்தை நோக்க
மந்திர கிரிகள் விம்மி வழிமறித் திடுதல் கண்டு
சிந்துரக் கயற் கண்ணோடிச் செவிதனக்கு உரைத்ததம்மா.

நன்றி விவேக சிந்தாமணி

எனதுக் கவிதை

நாபிக்கமலம் கீழிருக்கும்
ரோமங்கள் நிலவொத்த முகத்தை விழுங்க
கருநாகமென சீற - மலை போன்ற
கொங்கைகள் அதை தடுக்கக்கண்ட
கயல்விழிகள் செவியிடம் சொன்னதாம்
அதை...

அன்புடன் எல்கே

கவிதைப் போட்டி - முடிவுகள்

2011-06-24T21:00:00.000+05:30

போட்டிக்கு கவிதை அனுப்பிய அனைவருக்கும் எனது நன்றிகள். ஒருவித தயக்கத்துடன்தான் இந்தப் போட்டியை அறிவித்தேன். எத்தனைப் பேர் இதில் பங்குப் பெறுவார்கள் என்றத் தயக்கம் இருந்தது. பலர் இதில் உற்சாகத்துடன் பங்குக் கொண்டனர் என்றாலும், பதிவுலகில் கவிதை எழுதுவோர் எண்ணற்றோர் இருக்கின்றனர். அவர்களும் இதில் பங்குப் பெற்று இருக்கலாம் என்பது என் கருத்து .

போட்டியில் பங்கு பெற்றது

போட்டிக்கான கவிதைகளை பரிசீலித்து கவிதைகளை வரிசைப் படுத்தியது எனது குடும்ப நண்பரான ஓய்வுப் பெற்ற தலைமை ஆசிரியர் . முதல் இடத்திற்கான அவரது தேர்வு

தினேஷ் குமாரின் கீழ்க்கண்ட கவிதை

வீரம் நிறைந்திட்ட போர்ப்படை வீழ்ச்சிகளற்று

தேர்ச்சிகள் பெற்றோன் வீழ்வதாமெதிர்

படைகளன்ரென எண்ணமது கொண்ட

வெண்குடை தாங்கிய தேர்தனைக் கண்டதும்

நிகழ்தனில் அத்தேர்தனை

தரைத்தாழவீழ்த்தி வெண்குடைதனை

பற்றிதம் கால்களால் மிதித்தழித்து

வெற்றிவீருகொண்டு பிளிறும் யானை

தன்னவனைக் காக்கும் எண்ணமத்தில்

சித்திரை முழுநிலவுக் கொண்ட

தோற்றம் கண்டு வெண்குடை தாங்கியொரு

போர்ப் படை வருவதென எண்ணி

வெண்ணிலவை வீழ்த்த வானுயர

துதிக்கையை உயர்த்தி வீருகொண்டதொரு

சேர மன்னனின் யானை ............

இரண்டாவது இடத்திற்கு அவர் தேர்வு செய்தது ஹேமாவின் இந்தக் கவிதை

சேரன்
எதிர்த்த படை
தேர் காண
பிளிறும் வீரயானை
நீட்டிய தந்தம் நசுக்கும்
வெண்குடை - இங்கு
மதி தவற
மாறித் தெறித்த திங்களென
தூக்கிய தந்தம் தவறாய்!!!

தர வரிசைப் படுத்தினாலும் , சங்கப்பாடல்கள் பற்றிய இந்தப் போட்டியில் பங்குப் பெற்ற அனைவருக்குமே பரிசு அளிப்பதுதான் நியாயம் என்பது அவரதுக் கருத்து. அவரது பேச்சை என்றுமே நான் மறுத்துப் பேசியது இல்லை. எனவே படைப்புகளை அனுப்பிய அனைவருக்குமே பரிசு உண்டு.

பரிசு என்னவென்று சொல்ல மறந்துவிட்டேன். மலேசியாவில் வசிக்கும் தமிழ் எழுத்தாளர் திரு ரே. கார்த்திகேசு எழுதிய "அந்திமக் காலம் " நாவலின் மின்னூல் உங்கள் மின்னஞ்சலுக்கு அனுப்பப்படும். திரு ஜி எம் பி அய்யாவின் மின்னஞ்சல் மட்டுமே என்னிடம் இல்லை. அவர் அதை தெரியப்படுத்தினால் அவருக்கும் அனுப்பிவிடுவேன்.

சிலகாலம் கவிச்சோலையில் இருந்து ஓய்வு எடுத்துக் கொள்ளப் போகிறேன். அதன் பின் இந்த முயற்சி தொடரும்.

அன்புடன் எல்கே

பிம்பம்

2011-06-16T20:18:00.000+05:30

கண்ணாடி முன்
நின்றிருந்தேன் - மெல்லக்
காட்சிகள் மாறின
கண்ணாடியில் - என்
பின் நீ - கண்களில்
காதலும் காமமும் தேக்கி..

உன்னிருக்கரங்களால் என்
தோள் பற்றி - புரளும்
என் முடி ஒதுக்கி - அன்பாய்
உன் இதழ் பதித்தாய் - மெல்ல
எனை இழுக்க - கண் மூடி
சிலிர்த்தேன்...

இமை பிரித்து
உனை பார்க்க முயன்றத்
தருணத்தில்
காற்றில் கலந்துப் போனாய்
நீ....

பி.கு இது வல்லமையில் வந்துள்ளது

அன்புடன் எல்கே

குறுந்தொகை - புதுக் கவிதை III

2011-06-01T14:26:00.001+05:30

நன்னலந் தொலைய நலமிகச் சாஅய்
இன்னுயிர் கழியினும் உரையல் அவர்நமக்கு
அன்னையும் அத்தனும் அல்லரோ தோழி
புலவியஃ தெவனோ அன்பிலங் கடையே.

-அள்ளூர் நன்முல்லையார்

என்னுடைய அழகு தொலைந்து, உடல் நலம் மிகவிழந்து என்னுடைய உயிர் இவ்வுடலை விட்டு நீங்கினாலும் சரி.. அவரைப் பற்றி தவறாகப் பேசாதே. அவர் நமக்கு அன்னையையும் தந்தையையும் போன்றவர் அல்லவா தோழி? அன்பில்லாதவிடத்தில் ஊடல் எப்படி தோன்றும்?

(பொருள் நன்றி : http://mundril.blogspot.com/2010/01/blog-post_25.html)

அழகு தொலைந்து
உடல் வலுவிழந்து நான்
இறப்பினும் - அவரை
வையாதே - என் தந்தை தாயினும்
மேலோரல்லவோ - அன்பின்
வழி தோன்றுவதுதானே
ஊடல்...

அன்புடன் எல்கே

கவிதைப் போட்டி

2011-05-29T22:17:00.000+05:30

வணக்கம் நண்பர்களே. கடந்த நான்கு ஐந்து பதிவுகளாய் சங்கப் பாடல்களுக்கு புதுக் கவிதை வடிவம் கொடுக்க முயன்று இருந்தேன். இதை நான் மட்டும் செய்தால் போதுமா ? நீங்களும் இதில் கலந்து கொள்ளலாமே .. கீழே ஒரு சங்கப் பாடல் கொடுத்து இருக்கிறேன். இது முத்தொள்ளாயிரத்தில் சேரனின் பெருமைகளை பாடும் பகுதியை சேர்ந்தது. அதன் பொருளையும் இங்கே தந்து விடுகிறேன். உங்கள் வேலை அதைப் புதுக் கவிதை வடிவில் எழுதுவதுதான். உங்கள் தளத்தில் வெளியிட்டு இங்கே பின்னூட்டத்தில் கமென்ட் செய்தாலும் சரி இல்லையேல் பின்னூட்டத்தில் உங்கள் கவிதையை வெளியிட்டாலும் சரி.

பாடல்
வீறுசால் மன்னர் விரிதாம வெண்குடையைப்
பாற எறிந்த பரிசயத்தால்-தேறாது
செங்கண்மாக் கோதை சினவெங் களியானை
திங்கள்மேல் நீட்டுந்தன் கை.

விளக்கம்
தங்களை பெரும் வீரம் நிறைந்த மன்னர்கள் என நினைத்து சேரமன்னனை எதிர்த்து வந்த மன்னர்களின் தேரைக் கண்டதும், சேர மன்னனின் யானைகளானது அத்தேரினை அழித்து, அத்தேர்மேல் வீற்றிருக்கும் வெண்குடையை தன் காலால் மிதித்து அழித்து விடும் தன்மை கொண்டது. அத்தகைய யானைப்படையைக் கொண்ட சேரனின் யானையானது வெண்குடையைப் பார்த்ததும் அழிக்க நினைக்கும் பழக்க தோஷத்தால் முழுநிலவன்று நிலவைப் பார்த்ததும், நம் சேரனை எதிர்க்க ஏதோ எதிரிப்படைதான் வந்து விட்டது என நினைத்து அந்நிலவை அழிப்பதற்காய் நிலவை பிடிக்க தன் துதிக்கையை நீட்டுகிறது என்பதாம் இச்செய்யுளின் பொருள்.

ஜூன் மாதம் 12 ஆம் தேடி உங்கள் கவிதைகளை அனுப்ப இறுதி நாள். பரிசு என்ன என்பதை பிறகு சொல்கிறேன்.

அன்புடன் எல்கே

ஈசனின் கண்

2011-05-26T16:21:00.002+05:30

முக்கண்ணன் என்றரனைமுன்னோர் மொழிந்திடுவர்
அக்கண்ணற் குள்ள தரைக் கண்ணே - மிக்க
உமையாள்கண் ணொன்றரைமற் றூன்வேடன் கண்ணொன்று
அமையுமித னாலென் றறி!

விளக்கம்

சிவபெருமானுக்கு நெற்றிக் கண்ணையும் சேர்த்து மூன்று கண்கள் என்பார்கள். இதனால் முக்கண்ணன் என்ற காரண பெயரும் அவர்க்கு உண்டு.

எப்படி?

சிவனுக்கு மூன்று கண்கள் தான். ஆனால், அவர் உடலில் சரி பாதியாக இருப்பவர் உமை தானே. அப்படியானால் சிவனின் மூன்று கண்களில் உமைக்கு ஒன்றரைக் கண் சொந்தமாகிறது ஆக மிச்சமாக இருப்பது ஒன்றரைக் கண்.

அந்த ஒன்றரைக் கண்ணிலும், ஒரு கண் வேடன் கன்னப்பனால் கொடுக்கப் பட்டது. அதனால் அந்தக் கண்ணும் சிவனுக்கு சொந்தமானது அல்ல இரவல் வாங்கிய கண். எனவே ஒன்றரையில் இருந்து ஒன்று போனால் அரைக் கண்ணே மிகுதி ஆகிறது. ஆக சிவனுக்கு அரைக் கண் தான் என்று பாடுகிறார் காளமேகம்..

இதற்கு எனது கவிதை

முக்கண்ணன் என்றுப்
பெரியோர் உரைத்த
ஈசனுக்கு அரைக்கண்ணே - எங்ஙனம்
எனக் கேட்பின் உரைப்பேன் - அவனில்
பாதியான உமைக்கு சொந்தம்
ஒன்றரை - மீதியில் ஒன்று சொந்தம்
கண்ணப்பனுக்கு - ஆக மிஞ்சியது
அரைக்கண்ணே ஈசனுக்கு ...

அன்புடன் எல்கே

முத்தொள்ளாயிரம் சேரன் பகுதியிலிருந்து - II

2011-05-25T16:52:00.004+05:30

கடல்தானைக் கோதையைக் காண்கொடாள் வீணில்
அடைத்தாள் தனிக்கதவம் அன்னை-அடைக்குமேல்
ஆயிழையாய்! என்னை அவன்மேல் எடுத்துரைப்பார்
வாயும் அடைக்குமோ தான்

பொருள்

கடல் போன்ற மிகப்பெரிய படையினைக்கொண்ட மன்னனைப் பார்க்கவிடாமல் என்னைத் தடுத்து ஒரேயொரு வெளிக்கதவையும் மூடிவிடுகிறாள் எனது தாய்  . ஆனால், அழகிய  நகைகளை அணிந்துள்ள என் தோழியே! அந்த மன்னன் மேல் நான் காதல் கொண்ட விஷயம்  ஊர்மக்கள்  எல்லோருக்குமே தெரியும். அவர்கள் மன்னனிடம் சென்று என்  காதலைப்  பற்றிச் சொல்வார்கள். அதைத் தடுக்க அவளால் முடியுமா ? என்று  தோழியிடம் கேட்பதுபோல இந்தப்பாடல் அமைந்துள்ளது. வீட்டுக்குள் என்னைப்  பூட்டி வைத்து, வெளிக்கதவை அடைத்துவிடத்தான் முடியும். ஊர்வாயை அடைக்க உன்னால் முடியுமா? என் காதல் மன்னனிடம் சென்று சேர்வதைத் தடுக்க உன்னால்  முடியுமா?

எனதுக் கவிதை

கடலொத்தப் படை
கொண்ட சேரனைப் பாரா
வண்ணம் தாய்
கதவடைத்தாலும் - நான்
கொண்டக் காதலை
ஊர் அவனிடம் சொல்லுமே - தடை
செய்ய இயலுமோ அதை ...

அன்புடன் எல்கே

குறுந்தொகை - புதுக் கவிதை II

2011-05-21T11:58:00.002+05:30

காலையும், பகலும் கையறு மாலையும்,
ஊர்துஞ்சு யாமமும், விடியலும், இன்றுஇப்
பொழுதுஇடை தெரியின், பொய்யே காமம்;
மாவென மடலொடு மறுகில் தோன்றித்
தெற்றெனத் தூற்றலும் பழியே;
வாழ்தலும் பழியே - பிரிபுதலை வரினே!

பொருள்

பொருள் தேடச் செல்லலாம் என்று நினைத்த தலைமகன் தன் காதலியை எண்ணிப் பின்தங்கிவிட்டான். காலை, பகல், மாலை, யாமம், விடியல் என்று எந்த நேரத்திலும் காமம் பொய்யாகிவிடுகிறது. அது மெய்யாகிக் கிட்டுவதற்கு மடலேறலாம் என்றால் ஊர்மக்கள் பற்றிய நினைவு வருகிறது. ஊர்மக்கள் என்னைத் தூற்றினால் எனக்குப் பழி. ஊர்மக்கள் என்னை வாழ்த்தினால் என் காதலியின் பெற்றோருக்குப் பழி. எனவே மடலேறுதலும் தக்கதன்று. என்ன செய்வேன்? - என்று அவன் கலங்குகிறான்.

மடலேறுதல்

மடலேறுதல் அல்லது மடலேற்றம் என்பது காதலில் தோல்வியுற்ற சங்கத் தலைவன் ஊரார் தன் காதலை உணரும் பொருட்டு மேனியில் சாம்பலைப் பூசிக் கொண்டு யாரும் சூடாத எருக்கு போன்ற மலர்களைச் சூடிக் கொண்டு பனைமரத்தின் அகன்ற மடல்களால் செய்யப்பட்ட குதிரை ஒன்றில் ஊர்ந்து காண்போர் கேட்கும் வண்ணம் தலைவியின் பெயரைக் கூவிக்கொண்டு செல்தல் ஆகும். இது இழிவான ஒன்றாக கருதப்படுகிறது. எனவே தன்னைச் சந்திக்க மறுக்கும் தலைவியிடம் தோழி மூலம் நான் மடலேறி விடுவேன் என்ற காமம் மிகுந்த தலைவன் சொல்வது உண்டு. காமம் மிகுந்த ஆடவர்க்கு மட்டுமே மடலேறுதல் உண்டு. பெண்கள் மடலேறியதாய் சங்கப்பாடல்கள் இல்லை.

என் கவிதை
பொழுதுணரும் வண்ணம்
அமைந்த
இப்பொய் காதலால்
மடலேறினாலும் - நீ
சுமக்கும் பழியால் வருத்தமே - சொல்லாமல்
இருந்தாலும் பிரிவினால் வருத்தமே ...

அன்புடன் எல்கே

முத்தொள்ளாயிரம் சேரன் பகுதியிலிருந்து - I

2011-05-20T12:46:00.003+05:30

தாயர் அடைப்ப மகளிர் திறந்திடத்
தேயத் திரிந்த குடுமியவே-ஆய்மலர்
வண்டுலா அங் கண்ணி வயமான்தேர்க் கோதையைக்
கண்டுலாஅம் வீதிக் கதவு.

பொருள் :

வண்டுகள் தேனினை எடுக்க மொய்த்திடும் மிகுந்த நறுமனமிக்க மலரை அணிந்தவனும், வேகமாக ஓடும் புரவி பூட்டியதேரின் மீது அமர்ந்திருப்பவனுமான சேரமன்னன் கோதையைக் காண பெண்கள் வீதிக்கதவுகளைத் திறக்க, எங்கு சேர மன்னனின் அழகினில் மயங்கி நம் வீட்டுப் பெருமைக்கு இழுக்கு சேர்த்து விடுவரோ என்று அப்பெண்களின் தாயார் கதவினை அடைக்க இவர்கள் இப்படி மாறி மாறி அடைத்தும் திறந்தும் எனச் செய்வதால் இவர்கள் மத்தியில் அகப்பட்டு கொண்ட கதவின் குமிழி தேய்கிறதாம்.

எனதுக் கவிதை

பறந்தோடும் புரவித்
தேரில் - வண்டு
மொய் மாலையணிந்து
வரும்
சேரனுலாக் காண கன்னியர்
கதவுத் திறக்க - அன்னையர்
அக்கதவடைக்க அப்போரில்
தேய்ந்ததே கதவின் குடுமி ..

அன்புடன் எல்கே

குறுந்தொகை - புதுக் கவிதை

2011-05-17T07:27:00.003+05:30

குறுந்தொகை - 27

கன்றும் உண்ணாது கலத்தினும் படாது
நல் ஆன் தீம் பால் நிலத்து உக்காஅங்கு
எனக்கும் ஆகாது, என்னைக்கும் உதவாது
பசலை உணீஇயர் வேண்டும்
திதலை அல்குல் என் மாமைக் கவினே.

பொருள்

பசும்பாலானது ஒன்று கன்று அருந்தவேண்டும். அல்லது பாத்திரத்தில் கறக்கப்பட்டு மனிதருக்கு ஆக வேண்டும். அப்படி கன்றும் உண்ணாது, கலத்திலும் (பாத்திரத்திலும்) விழாமல், நிலத்தில் வீழ்ந்து வீணாவதைப்போல, மாந்தளிர் போன்ற அழகுடைய என் பெண்மை, எனக்கும் அழகு தராமல், என் காதலனுக்கும் இன்பம் தராமல், தேமல் படர்ந்து பசலை நோய் உண்ணும் நிலைக்கு ஆகிவிட்டதே!

(காதலனைப் பிரிந்த ஏக்கத்தில் காதலி பாடுவது!)

இந்தப் பாடலை ஒட்டிய என் முயற்சி

கன்றருந்தாது
கலம் புகாமல் - நிலம்
சேரும் பாலினைப்
போல் - எனக்கு
அணியாகாமல் உனக்கும்
இன்பம் தாராமல் பசலைப்
பூத்ததே என் தேகம்...

பி.கு : சரியா இருக்கா இல்லையான்னு நீங்கதான் சொல்லணும்

அன்புடன் எல்கே

என்றும் நமக்கு....

2011-05-15T08:46:00.000+05:30

போட்டியிட்டதும்

நாம் இல்லை - வென்றதும்

நாம் இல்லை !!!

வெற்றியும்

நமக்கில்லை - என்றும்

தோல்வி மட்டுமே

நிரந்தரமாய் !!!

என்றும் நமக்கு

லாபமில்லை - நட்டம்

மட்டும் நிரந்தரம் !!!

வன்மங்கள் வெளிவர

வஞ்சம் தீர்க்கும்

நேரமாய் இன்று !!!!

வார்த்தைகள் தடிக்க

நட்புகள் முறிந்தன - முகமூடிகள்

கிழிய நிஜ

சொரூபங்கள் அதிர்ச்சியளிக்க

என்றும் நமக்கு

தோல்விதான் !!!

- அன்புடன் எல்கே

அன்னையர் தினம்

2011-05-07T07:55:00.000+05:30

ஈரைந்து மாதம்
கருப்பையில்
வாழ் முழுதும்
உன் மனதில்...

அறியா வயதில்
தெரியாமல் செய்த பிழை....
வாலிப வயதில்
தெரிந்து செய்த தவறு
இரண்டும் பொறுத்தாய்...

பள்ளி செல்லும் வயதில்
உனை வீட்டு நீங்கியதில்லை..
இன்று உனை கண்டே ஆகியது
மாதங்கள் பல..

உனை நினைக்க ஒரு தினம்
தேவை இல்லை - மறந்தால்
தானே நினைக்க !!!

தனியாக ஒரு அன்னையர் தினம் வைத்துத்தான் நமது தாயன்பை வெளிப்படுத்த வேண்டிய வேண்டியது இல்லை. இந்த தினத்தில் நாம் ஒரு உறுதி எடுப்போம் .ஆயுள் முழுதும் நம் பெற்றோரை காப்போம். முதியோர் இல்லங்களை ஒழிப்போம். அனைத்து அன்னையர்களுக்கும் எனது அன்னையர் தின வாழ்த்துக்கள் .

அன்புடன் எல்கே

பி கு : இது போன வருடம் அன்னையர் தினத்திற்கு எழுதியது.

தனிமை

2011-04-29T11:16:00.001+05:30

சில நேரங்களில்
வரம் - பல
சமயங்களில் சாபம் !!!

அறை
இருண்டிருக்க - எங்கும்
நிசப்தம் - இதயத் துடிப்பின்
ஓசை தவிர !!!

எண்ணங்கள்
கட்டுக்கடங்காமல்
ஓட - தடைப் போட
யாருமில்லை !!!!

எண்ணங்களில்
வேகத்தில் பயமுறுத்தும்
சிந்தனைகள் - மெல்ல
கொல்லும் விஷயங்கள் !!!

சில மணி நேரத்
தனிமை வரம் - பல
நாட்களோ சாபம் !!!

அன்புடன் எல்கே

தமிழ் புத்தாண்டு

2011-04-14T08:09:00.000+05:30

முக நூலில்
நுழைந்தால் நண்பனின்
தமிழ் புத்தாண்டு
வாழ்த்து ஆங்கிலத்தில் !!!

எழுத்துரு
பிரச்சனையோ என எண்ணி
அதை விடுத்து
தொலைக்காட்சிக்கு மாறினேன் - என்
தாய்த்தமிழை வாழ்த்துகிறேன்
எனக் கடித்துக் குதறினர் பலர் !!!

அலைபேசி ஒலிக்க
அதை எடுத்தால் - மறுமுனையில்
மீண்டும் ஆங்கிலத்தில்
தமிழ் புத்தாண்டு வாழ்த்து !!!

டிஸ்கி : இன்று ஆங்கிலத்தில் வந்த வாழ்த்துக்களை பார்த்தப்பின் எழுதியது

அன்புடன் எல்கே

பொங்கி எழுந்தாள் இன்று...

2011-03-13T19:53:00.001+05:30

இயற்கையை மறந்தோம்
விஞ்ஞானம் வளர்த்தோம்....

கண்ணீர்விட்டாள் அன்னை
காணவில்லை நாம் ..
கதறினாள் - செவி மடுக்கவில்லை..

புயலாய் மாறினாள் - நடுங்கினோம்
எரிமலையாய் வெடித்தாள்- புலம்பினோம்...

பொங்கி எழுந்தாள்

இன்று ஆழிப்

பேரலையாய் - கதறுகிறோம்

நாம் .....

பி.கு : ஜப்பான் நிலநடுக்கத்திலும், சுனாமியிலும் உயிரிழந்தவர்களுக்கு என் அஞ்சலிகள். அங்கு விரைவில் நிலைமை சீரடைய என் பிரார்த்தனைகள் .

அன்புடன் எல்கே

நீள் ஓட்டம்

2011-03-09T07:46:00.000+05:30

முடிவில்லா நீள்

ஓட்டத்தில் நான் !!!

துவக்கும் மட்டுமே
அறிவேன் நான் - ஓடும்
தூரமோ இடமோ
அறியேன் !!!

தவறான துவக்கங்களும்

உண்டு - தவறு

சரியாவது இங்கே

வாடிக்கை !!!

முன் சென்றவர்
பின் தங்க - பின்னிருந்தவர்
முன் செல்ல
தொடர்கிறது ஓட்டம் !!!

ஓட்டம் தொடரத்
தொடர - எண்ணிக்கை
அதிகரிக்கிறது ...

கால் இடறினும்
நேரமில்லை
ஓய்வெடுக்க !!!

போகுமிடம் தெரியா
நீள் ஓட்டம் இது !!!

அன்புடன் எல்கே

சொர்க்கங்கள்

2011-03-06T07:06:00.002+05:30

வெட்கமும் பயமும்

கலந்து

முதல் பார்வைப் பார்த்த

அந்த நொடி...

என்னில் பாதியாய்

உனை

ஏற்று உன்கரம்

பற்றிய

அந்தத் தருணம்....

கருவிலே

என் பரிசை நீ

சுமந்த அந்த நாட்கள்...

வஞ்சமில்லா

பிஞ்சை - என்

உதிரத்தை

கையில் ஏந்திய

அந்த நிமிடம்....

ப்பா... . -மழலை

சொல் காதில்

விழுந்த அந்த நொடி ....

மழலை மாறா

குரலில் என்

பெயரைக் கேட்ட அந்த

தருணம்....

வாழ்வின் மறக்க

இயலாது

சொர்க்கங்கள் இவை...

அன்புடன் எல்கே

திருவிழா !!!

2011-03-03T17:16:00.002+05:30

மீண்டுமொரு

திருவிழா !!!

நாளும்

குறிக்கப்பட்டது - மேடைகள்

எழும்பின - கொடிகள்

பட்டொளி வீசிப்

பறந்தன!!!

நித்தமொரு வேடிக்கையாய்

நிகழ்ச்சிகள் - விதிக்கப்பட்ட

விதிகள் மீறப்பட்டன !!!

மீறப்படவே

அமைக்கப்பட்டதாய் விதிகள் !!!

வரம் வேண்டி

பக்தர்களாய் வீதிதோறும்

ஊர்வலம் - நேர்த்திக்கடனாய்

நோட்டுகளும் பிறவும் !!!!

திருவிழாவும்

வந்தது - தெய்வங்களே

பலிகளாய் ஆனார்கள்

இங்கு !!!

மீண்டுமொரு

திருவிழா !!!

அன்புடன் எல்கே

வாசம்

2011-02-28T17:39:00.000+05:30

துயிலில்

வந்து மறையும்

கனவாய் ஆனது

நம் காதல்...

மாதங்கள்

செல்ல - பின்னுக்கு

சென்றது

அந்நினைவுகள் ....

காலமது

உருள மறையத்

துவங்கும் உன்

முகம் ....

காலமெனும்

வெள்ளம்

புரட்டி செல்கிறது

அனைத்தையும் - உன்

வாசம் தவிர்த்து....

அன்புடன் எல்கே

கோட்டை

2011-02-20T15:31:00.000+05:30

முரணான

கருத்துக்கள் அடித்தளம்

அமைக்க

வார்த்தைகள் கற்களாக - வர்ணனை

அதன் பூச்சாக - விவரிப்புகள்

அலங்காரமாக எழுகின்றது

கோட்டை !!!

உயரத்தின்

போதையில் மறந்தது

முரண்பாடு - கூட்டங்கள்

ஆர்பரிக்க

சிந்தனை மழுங்க - நோக்கங்கள்

தொலைந்தன !!!

அடித்தளத்தில்

முரண்பாடுகளின்

மோதல் - சுவர்களில்

விரிசல்கள் !!!

விரிசல்களின்

எண்ணிகையில் விழுந்தன

கற்கள் - அலங்காரம்

அலங்கோலமாய் மாறியது !!!

அன்புடன் எல்கே

முழுவதும் நீயே !!!

2011-02-14T20:02:00.000+05:30

என்னில் பாதியாய்
வாழ்வின்
மீதியாய் கலந்தாய்...

என் வெற்றியில் நீ
மகிழ்ந்தாய் - தோல்வியில்
உற்சாகமூட்டினாய்...

கண்ணசைவில் சித்திரங்கள்
படைத்தாய் - வாழ்வை
வசந்த கால சோலையாக்கினாய்..

என் சுகமே உன்
விருப்பம் என்றாக்கிக்
கொண்டாய்..

என் கோபத்தையும்
புன்னகையில் தாங்கினாய் - சிறு
கண்ணீரில் நீ
உடைந்தாய்...

என்னில் பாதியல்ல
முழுவதும் நீயே !!

டிஸ்கி : சிறு திருத்தங்களுடன் மீள்பதிவு

அன்புடன் எல்கே

எமக்குப் பெயர்…..???

2011-02-13T12:02:00.003+05:30

பொதுவெளியில்
பலர் சாட்சியாக
சரச சல்லாபம்!

வெட்கம் என்பதின்
அர்த்தம் மறந்த
மனிதர்கள் !

இவர்கள்
காதலர்களாம் – ஊடகங்களின்
ஆதரவுடன் வெட்டவெளியில்
விபச்சாரம் !!!

ஏமாற்றப்பட்டு
ஒருவேளை உணவுக்காய்
உடம்பை அடுத்தவருக்கு
இரையாக்கினோம் – எமக்குப்
பெயர் …….??????

டிஸ்கி : விண்டோஸ் லைவ் ரைட்டரில் அடித்து அங்கிருந்தே அப்லோட் செய்தேன். பார்மேட்டிங் பிரச்சனை இருந்தால் சொல்லுங்கள்

அன்புடன் எல்கே

பசி

2011-02-07T13:27:00.001+05:30

பசித்தலும்

புசித்தப் பின் பசி

அடங்கலும் இயற்கையாம் !!!

திரும்பத் திரும்பப்

புசித்தும் அடங்கவில்லை

இப்பசி !!!

புசித்தப் பின்

முன்னிலும் அதிகமாய்

கிளர்ந்து விட்டு

எரிகிறது !!!

தீயில் இட்ட

மரமாய் தேகம்

தகிக்க - மண்

தின்னும் உடலை

அரிக்கிறது !!!

அன்புடன் எல்கே

இதழின் ஓசைகள்

2011-02-04T16:29:00.001+05:30

இருள் படர்ந்த
அறையின்
ஓரத்திலே
கண்ணிருந்தும் குருடனாய்
நான்!!!!

கொலுசின் ஓசைக்
கொண்டு
உனை பிடிக்க
எத்தனிக்க - நழுவும்
மீனாய் நீ !!!

தோற்று
நின்ற தருணத்தில் - பின்னிருந்து
இருத் தளிர் கரங்களால்
எனை நீ அணைக்க !!!

காதல் கோபத்தில்
பின்னிருந்து முன்னிழுத்து
உன் கரம் பற்றிய
கணத்தில் வளை எழுப்பிய
ஓசையில் மறைந்தது
இதழின் ஓசைகள் !!!!

டிஸ்கி : ஏன் இப்ப காதல் கவிதைகள் எழுதுவது இல்லை என்ற நண்பரின் கேள்விக்காக எழுதியது. திட்டுவதாக இருந்தால் அவரை திட்டவும் ..

அன்புடன் எல்கே

எங்கே சென்றது நீதி???

2011-01-31T17:33:00.002+05:30

முதல் முறை
சுடப்பட்டான்
மீனவன் - தந்தி
சென்றது தலைநகருக்கு !!!
பணம் வந்தது
மீனவன் குடும்பத்திற்கு !!!

மீண்டுமொருக் கொலை
நிகழ்ந்தது - கடிதம்
சென்றது இம்முறை!!!
பணத்துடன் வேலையும்
வந்தது !!!

பணமும் வேலையும்
மட்டுமே
கிடைக்கின்றன -
எங்கே சென்றது நீதி ???

தட்டுங்கள் திறக்கப்படும்
கேளுங்கள் கொடுக்கப்படும் என்றனர் -
கூக்குரல் இட்டும்
கிடைக்கவில்லை இது வரை நீதி !!!

தீர்ப்புகள் திருத்தப்படும்
நாள் தொலைவில்
இல்லை - ஓட்டுக் கேட்டு
வரும் கூட்டம் உணரும்
தங்கள் பிழையை !!!

அன்புடன் எல்கே

நேரமில்லை உமக்கு

2011-01-29T11:37:00.001+05:30

பசித் தீர்க்க
கடல் புகுந்தோம் !!!
அவன் வெறி
தீர்க்க பலியானோம் !!!

உன் பணம்
மீட்டுத் தருமோ
உயிரை - கடிதம்தான்
பாதுகாப்புத் தருமோ !!!

பணம் வேண்டாம்
எமக்கு - உன் ஆறுதலும்
வேண்டாம் !!!

முடிந்தால் எமை
காப்பாற்று - இல்லையேல்
துப்பாக்கிகளை தா
எம்மிடம் - எங்களைக்
காப்பாற்ற சக்தி
உண்டு எங்களிடம் !!!

தேவையில்லை உமது
நீலிக் கண்ணீரும்
புலம்பலும் - மீண்டும் செல்வீர்
தலைநகரம் - தேர்தலில்
கூட்டணி அமைக்க !!!

உமக்கு நேரம் எங்கே
எங்களைப் பற்றி
சிந்திக்க - கட்சியினரின்
திருட்டை மறைக்கவே
நேரமில்லை உமக்கு !!!

அன்புடன் எல்கே

ஆண்டுகள் நான்கு

2011-01-19T17:50:00.002+05:30

கைத்தலம் பற்றி
ஆகப் போகிறது
ஆண்டுகள் நான்கு !!!

முதன்முறை
சந்தித்ததும் பேசியதும்
இன்றும் என் செவியில்
இனிய ரீங்காரமாய் !!!

திருமணமும் உன்
படிப்புக்கானப் பிரிவும்
தந்தத் துயர் !!!

சிறு ஊடல்களும்
ஊடலின் விளைவான
காதலும் !!!

கோபம் என்
உடன்பிறப்பாய் இருந்தாலும்
அன்பால் அதை
சாகடித்தாய் !!!

என் வாழ்வின்
பசுமையானப் பக்கங்கள்
உன்னாலே !!!

டிஸ்கி : வரும் சனிக்கிழமையுடன் எனக்கு "ஆயுள் தண்டனை" விதித்து ஆண்டுகள் நான்கு முடிவடைகிறது .

அன்புடன் எல்கே

தந்தையே

2011-01-11T16:43:00.001+05:30

மழலையில்
விளையாடியதில்லை
என்னோடு !!!

பள்ளிப் பருவத்தில்
பாடங்கள்
சொல்லித் தந்ததில்லை !!!

கல்லூரிக் காலத்தில்
தோழனாய்
பழகியதில்லை !!!

இருந்தும்
என்
ஆதர்சம் நீதான்!!!

கவலை
இன்றி நான் வாழ
பாசத்தை அடக்கினாய் !!!

நான் சுகமாய்
வாழ
நீ சுகத்தை மறந்தாய் !!!

தலைவனாய்
திட்டமிடக் கற்றேன்
உன்னிடம் !!!

தந்தையே
என்
ஆதர்சம் நீதான்!!!

-அன்புடன் எல்கே

கூப்பாடு

2011-01-05T12:50:00.002+05:30

விளை நிலங்களை
மனையாக்கினோம் - கிராமங்களை
நகராக்கினோம் !!!

காடுகளை
அழித்தோம் - விவசாயத்தை
மறந்தோம் !!!

தேவையை
மறந்தோம் - ஏற்றுமதியை
நிறுத்தினோம் நினைவில் !!!

இலாபத்தை கணக்கில்
கண்டோம் - பசியை
மறந்தோம் !!!

கூப்பாடு
இடுகிறோம் இன்று !!!
சாப்பாடு இல்லையென்று
அன்புடன் எல்கே

எது நிஜம்

2011-01-02T08:36:00.000+05:30

நாணயத்தின்
இரு பக்கங்களாய்
மனிதரின் குணங்கள் !!!

போலியாய் பாசம்
காட்டி
நட்பு பாராட்டும்
ஒரு புறம்!!!

முகமூடி அணிந்து
நேசத்தை
கொலை செய்யும்
மறுபுறம்!!!

மனதை குளிர
செய்யும் வார்த்தை மழை
ஒரு புறம் பொழிய - புழுக்கள்
நெளியும் சாக்கடையை
வீசும் நாக்கு மறுபுறம் !!!

சந்தனமா இல்லை
சாக்கடையா
எது இவர்களின்
நிஜம் ?

-அன்புடன் எல்கே

காணாமல் போனவை

2010-12-28T18:05:00.000+05:30

அதிகாலை பனியில்
கோலமிடும்
மங்கையர்கள்!!!

கோலத்தின் இடையில்
நாட்டியமிட்டு
செல்லும் மனிதர்கள் !!!

வீடுகளில்
பாவைகள் குரலில்
திருப்பாவை !!!

உரத்தக் குரலில்
பாடும்
பஜனை குழுவினர் !!

-LK

சாதி இரண்டொழிய.....

2010-12-22T06:52:00.000+05:30

கட்டிய பாலங்களை
விஞ்சும்
ஊழல் தொகை !!!

அலைக்கற்றையின்
பரிமாணங்களை தோற்கடிக்கும்
ஊழல் திறன் !!!

சவக்குழிக்குள்
செல்லாமல் இருக்க போர்முனை
சென்றான் - அவன் சவப்
பெட்டியிலும் ஊழல் !!!

காத்தவன் குடும்பத்திற்கு
பாராட்டுப் பத்திரம் - அவன்
பெயரை சொல்லி
கட்டிய கட்டிடமோ இவன்
ஓட்டுனர் பெயரில் !!!

சாதி
இரண்டொழிய வேறில்லை
ஊழல்
செய்பவனும் செய்யாதவனும் !!!

டிஸ்கி : படம் உதவி கூகிள்
அன்புடன் எல்கே

மீண்டுமொரு மழைக்காலம்

2010-12-20T15:37:00.000+05:30

மீண்டுமொரு

மழைக்காலம் - பிற்பகல் வானம்

மாலையை போல

இருள என் மனம்

ஓடியது பின்னால்!!!

பெய்த மழையின்

மிச்சங்களாய் சொட்டிக்

கொண்டிருந்தன

மழைத் துளிகள் !!!

வசந்தக்காலத் தென்றலாய்

மனதை வருடி

செல்பவள் அன்றோ

மரத்தை வீழ்த்தும்

புயலை துவக்கி

சென்றாள்!!!

வார்த்தைகள்

செவியில் விழ மனதோ

அன்றைய வானமாய்

இருண்டது !!!

தாயை கண்ட

சேயாய் கூத்தாடும்

மனது - வெறுக்கத்

துவங்கியது மழையை !!!

மீண்டுமொரு

மழைக்காலம்!!!

பி. கு : இது கவிச் சோலையில் ஐம்பதாவது கவிதை . thinnai.com இல் வந்துள்ளது

அன்புடன் எல்கே

வருவதில்லை அங்கே

2010-12-17T20:34:00.000+05:30

ஓடிவிளையாட சொன்னான்

பாரதி - ஓடி

ஆடுகின்றனர் இன்று

கணிணியில் பொம்மைகளாய் !!!

கூடி விளையாடு பாப்பா

என்றான் - அண்டை

வீட்டில் இருப்போர் முகம்

தெரியாது - கடல்

கடந்து இருக்கும் அந்நியனின்

வரலாறு விரல் நுனியில் !!!

அண்டை அயலாருடன்

கூடி உறவாடினர் அன்று - சமூக

வலைப் பின்னல்களில்

எங்கோ இருக்கும் நட்பை

தேடி அணுதினமும்

கணிணியின் முன் !!!

காணி நிலமும்

அதிலொரு மாளிகையும் கேட்டான்

பாரதி - காணி நிலத்தில் இன்று

பற்பல புறாக்கூண்டுகள்

குயிலோசையும் தென்றலும்

வருவதில்லை அங்கே !!!

இந்நிலை வரும்

என்றறிந்தோ

விண்ணுலகம் சென்றான்

விரைவில் !!!

அன்புடன் எல்கே

பாயுமொளி நீயெனக்கு பார்க்கும்விழி நானுனக்கு

2010-12-10T15:24:00.002+05:30

பாயு மொளி நீ யெனக்குப் பார்க்கும் விழி நானுனக்கு;
தோயும் மது நீ யெனக்குத் தும்பியடி நானுனக்கு;
வாயுரைக்க வருகுதில்லை; வாழிநின்றன் மேன்மை யெல்லாம்;
தூயசுடர் வானொளியே! சூறையமுதே! கண்ணம்மா! 1

வீணையடி நீ யெனக்கு, மேவும் விரல் நானுனக்கு;
பூணும் வடம் நீ யெனக்கு, புது வயிரம் நானுனக்கு;
காணுமிடந்தோறு நின்றன் கண்ணி னொளி வீசுதடி!
மானுடைய பேரர சே! வாழ்வு நிலையே! கண்ணம்மா! 2

வான் மழை நீ யெனக்கு, வண்ணமயில் நானுனக்கு;
பான மடி நீ யெனக்குப் பாண்டமடி நானுனக்கு
ஞான வொளி வீசுதடி; நங்கை நின்றன் சோதிமுகம்;
ஊனமறு நல்லழகே! ஊறு சுவையே! கண்ணம்மா! 3

வெண்ணிலவு நீ யெனக்கு, மேவு கடல் நானுனக்கு;
பண்ணுகதி நீ யெனக்குப் பாட்டினிமை நானுனக்கு;
எண்ணியெண்ணிப் பார்த்திடிலோர் எண்ணமிலை நின்சுவைக்கே;
கண்ணின் மணி போன்றவளே! கட்டியமுதே! கண்ணம்மா! 4

வீசு கமழ் நீ யெனக்கு, விரியுமலர் நானுனக்கு;
பேசுபொருள் நீ யெனக்குப் பேணுமொழி நானுனக்கு;
நேசமுள்ள வான்சுடரே; நின்னழகை யேதுரைப்பேன்?
ஆசை மதுவே, கனியே, அள்ளு சுவையே கண்ணம்மா! 5

காதலடி நீ யெனக்குக் காந்த மடி நானுனக்கு;
வேதமடி நீ யெனக்கு, வித்தையடி நானுனக்கு;
போதமுற்ற போதினிலே பொங்கிவருந் தீஞ்சுவையே!
நாதவடி வானவளே! நல்லஉயிரே கண்ணம்மா! 6

நல்லவுயிர், நீ யெனக்கு, நாடியடி நானுனக்கு;
செல்வமடி நீ யெனக்கு, சேம நிதி நானுனக்கு;
எல்லையற்ற பேரழகே! எங்கும் நிறை பொற்சுடரே!
முல்லை நிகர் புன்னகையாய்! மோதுமின்பமே! கண்ணம்மா!

தாரையடி நீ யெனக்குத் தண்மதியம் நானுனக்கு;
வீரமடி நீ யெனக்கு, வெற்றியடி நானுனக்கு;
தாரணியில் வானுலகில் சார்ந்திருக்கும் இன்பமெல்லாம்
ஒருருவமாய்ச் சமைந்தாய்! உள்ளமுதே! கண்ணம்மா!

பி.கு : நாளை முண்டாசு கவிஞன் பாரதியின் பிறந்த நாள். அவன் நினைவாக இந்தப் பாடல். வாழ்க பாரதியின் புகழ்.

அன்புடன் எல் கே

உரிமையில்லை....

2010-12-04T16:02:00.002+05:30

பிறப்பில்
இருந்து இறப்பு வரைக்கும்
எங்கும் குடுக்க வேண்டும்
லஞ்சம் !!!

மாக்களின் உணவில்
இருந்து - விஞ்ஞான
கண்டுபிடிப்பு வரை
சர்வமும் ஊழல் மயம் !!!

பள்ளி சேர்க்கையில்
இருந்து
கடவுளின் கருவறை வரை
எங்கும் தேவை
சிபாரிசு !!!

ஓட்டுக்கும்
காசு - நம் உரிமையை
அடகு வைத்தப் பின்
லஞ்சத்தை கேள்வி
கேட்க உரிமையில்லை
நமக்கு !!!

அன்புடன் எல்கே

மெய் நட்பென்று???

2010-11-27T19:53:00.001+05:30

நிலையற்ற வாழ்வில்
புவியில்
இருப்பது சில காலம்!!!

முகமூடியணிந்து
ஒளிந்து - போலியாய்
புன்னகைத்து - நட்பென
சிலாகித்து ஏமாற்றும்
நரிகள் பலர் !!!

முகமூடி கிழியும்
காலமதில்
வேடங்கள் வெளிவர - அதை
மறைக்க பல கதைகள் !!!

புதிதாய் இட்டுகட்டப்பட்ட
கதைகள் - கற்பனையில்
உண்டான கதைகள்
நிஜமென மெய்ப்பிக்க
பல நாடகங்கள்!!!

மெய் நட்பென்று
ஒன்று உளதோ ???

அன்புடன் எல்கே

ரசித்தப் பாடல்

2010-11-24T06:54:00.006+05:30

சாந்தி நிலவ வேண்டும். உலகிலே
சாந்தி நிலவ வேண்டும்,
ஆத்ம சக்தி ஓங்க வேண்டும்.

காந்தி மகாத்மா கட்டளை அதுவே
கருணை, ஒற்றுமை, கதிரொளி பரவி
சாந்தி நிலவ வேண்டும்!
உலகில் சாந்தி நிலவ வேண்டும்

கொடுமை செய் தீயோர்,
மனமது திருந்த நற்குணம் அது புகட்டிடுவோம்!
மடமை அச்சம் அறுப்போம் - மக்களின்
மாசிலா நல்லொழுக்கம் வளர்ப்போம்!

திடம் தரும் அகிம்சாயோகி
நம் தந்தை ஆத்மானந்தம் பெறவே
கடமை மறவோம், அவர் கடன் தீர்ப்போம்
களங்கமின்றி அறம் வளர்ப்போம்!

(சாந்தி நிலவ வேண்டும்)
எங்கும் சாந்தி, எங்கும் சாந்தி, எங்கும் சாந்தி!

பாடலை எழுதியது – மிருதங்க வித்வான், சேதுமாதவ ராவ் அவர்கள். மகாத்மா உயிர் நீர்த்தபோது இந்தப் பாடலை எழுத , திருமதி டிகே.பட்டம்மாள் அவர்கள் பாடி, மிகவும் புகழ்பெற்ற பாடல் இது.

இராகம் : திலாங் (ஹரிகாம்போஜி ஜன்யம்).

இதோ இந்தப் பாடல், சுதா ரகுநாதன் மற்றும் டிகே பட்டம்மாள் அவர்களின் குரலில்.

அன்புடன் எல்கே

நல்லதோர் வீணை செய்தே

2010-11-16T10:32:00.001+05:30

நல்லதோர் வீணை செய்தே - அதை
நலங்கெடப் புழுதியில் எறிவதுண்டோ (நல்லதோர்)

சொல்லடி சிவசக்தி - எனைச்
சுடர்மிகும் அறிவுடன் படைத்துவிட்டாய்
வல்லமை தாராயோபட்ட - இந்த
மாநிலம் பயனுற வாழ்வதற்கே
சொல்லடி சிவசக்தி - நிலச்
சுமையென வாழ்ந்திடப் புரிகுவையோ (நல்லதோர்)

விசையுருப் பந்தினைப் போல் - உள்ளம்
வேண்டியபடி செய்யும் உடல் கேட்டேன்
நசையறு மனம் கேட்டேன் - நித்தம்
நவமெனச் சுடர் தரும் உயிர் கேட்டேன் ...
உயிர் கேட்டேன் ...உயிர் கேட்டேன்
தசையினைத் தீச்சுடினும் - சிவ
சக்தியைப் பாடும் நல்லகம் கேட்டேன்
அசைவுறு மதி கேட்டேன் - இவை
அருள்வதில் உனக்கேதும் தடையுளதோ (2)(நல்லதோர்)

பி.கு நல்லதொரு அருமையான கலாசாரத்தை நமக்கு கொடையாக வழங்கி உள்ளனர் நமது முன்னோர்கள். அதை கொண்டாட வேண்டாம், குறைந்த பட்சம் மிதிக்காமலாவது இருப்போமே. இன்று என் மனதிற்கு இந்தப் பாரதியார் பாடலே இப்பொழுது இருக்கும் சூழலுக்கு பொருத்தமாக இருக்கும் என்று பட்டது

மழையே நீ பெண்தான் !!

2010-11-15T06:19:00.000+05:30

மழையே ...

நீ ஆணா இல்லை பெண்ணா ??

வருவது போல்

கண்ணாமூச்சி ஆட்டம்

ஆடுகிறாய் - எதிர்பாராமல்

வந்து திகைப்பில்

ஆழ்த்துகிறாய் !!!!

வரவேண்டிய

தருணத்தில் ஏமாற்றுகிறாய் - வந்தால்

வெள்ளப் பிரவாகமாய்

அடித்து செல்கிறாய் !!!

நீ

பெண்தான் - காதலியும்

அப்படிதானே - வருவதாய்

குறுந் தகவல் - வானம்

இருட்டுவதை போல் - நீயும்

வரமாட்டாய் - அவளும்

அப்படித்தான்!!!

ஏங்கும் தருணத்தில்

பாராமுகமாய் இருப்பாள் - எதிர் பாரா

சமயத்தில் காதலாய்

கசிந்துருகுவாள் - நீ

பருவம் மாறி

வருவது போல் !!

மழையே

நீ பெண்தான் !!!

டிஸ்கி : இது இந்த வார திண்ணை.com இல் வந்துள்ளது

அன்புடன் எல்கே

எங்கனம் முடிகிறது ?

2010-11-13T22:38:00.000+05:30

திரையில் காணும்
காட்சிகளாய் மனிதரின்
மனங்கள் !!!

உருமாறும் வித்தை
கற்றார் போல் மனம்
மாறும் விந்தை !!!

தனைக் காக்க
நிறம் மாறும் பச்சோந்தி - எதை
காக்க மாறுகிறார்கள்
இவர்கள் ???

வேளைக்கொரு
பேச்சு - மணிக்கொரு
மாற்றம் - எங்கனம்
முடிகிறது ?

கண்டதே காட்சி - கொண்டதே
கோலம் என
வாழ்ந்தென்ன லாபம் ?

காலம் உறைந்திருந்தால்

2010-11-11T21:30:00.000+05:30

உண்மைகள் மட்டுமே
பேசிய உன்
வாய் முதல் முறையாய்
பொய்யும் பேசத் துவங்கியதே !!!

கற்கண்டாய்
இனித்த பேச்சுகள்
வேப்பங்காயாய் கசந்த
காரணம் தான் என்னவோ ??

சுகமாய்
நெஞ்சில் பழங்கதைகள்
இருக்க - கண் முன்னே
நிகழ்வுகள் முள்ளாய்
தைக்கிறது !!

நேற்றுடன்
காலம் உறைந்திருந்தால்
சுகமாய் இருந்திருக்குமோ ??

மழை நாள்

2010-11-08T15:13:00.002+05:30

காற்றோடு
மழையும் சேர - தொடங்கியது
கூட்டணி ஆட்சி - சில
சமயம் பொருந்தா
கூட்டணியாய் வலுவிழந்து
போனாலும் இன்று
காட்டியது அதன் சர்வாதிகாரத்தை !!!

இடி முழக்கம்
பின்னணி இசை
அமைக்க - தவளைகள்
கானம் பாட - காற்றின்
தாளத்துக்கு மரங்கள் ஆட - இயற்கை
அன்னையின் தாண்டவம் !!!

இயற்கையோட கூட்டணி
அமைக்க மின்சாரமும்
சென்று விட - ஜன்னலோரம்
அமர்ந்தேன் - ரசித்துக்
கொண்டே படிக்கத் துவங்கினேன்
வெகு
நாட்களாய் தொடாமல்
இருந்த புத்தகத்தை - நன்றி
சொல்ல வேண்டும் மழைக்கு
இதற்காகவாது !!!

டிஸ்கி : இந்தக் கவிதை திண்ணையில் வந்துள்ளது .

அன்புடன் எல்கே

புன்னகை

2010-10-27T08:11:00.000+05:30

அழுகையில்

துவங்கி அழுகையில்

முடிகிறோம் !!!

அழுது கொண்டே

வந்து பின்

பிறர் அழுக செல்கிறோம்

இங்கிருந்து !!!

பொன்னகைக்கு

விலை உண்டு - புன்னகைக்கு

இல்லை விலை - புன்னகையில்

மலர்வது உன் முகம்

மட்டுமல்ல - உனைக் காண்போர்

முகமும்தான் !!!

புவியில் இருப்பது

சிலகாலம் - இருக்கும்

வரை புன்னகைப்போம் !!!

அன்புடன் எல்கே

மழை புயலாய்

2010-10-22T06:03:00.000+05:30

மழைச் சாரல்
பன்னீர்

தூவ - வாடை காற்று

உடலை நடுக்க - வெதுவெதுப்பாய்

உன் கரம் பற்றினேன் !!!!

உன் விரல்கள்

என்

விரல்களுடன் பின்னிப்

பிணைய - குளிரில்

நடுங்கிய கரம்

நடுங்குகிறது எதிர்பார்ப்பில் !!

மையிட்ட விழிகளின்

காதல் பார்வை

அம்பாய் எனைத்

துளைக்க - அணைத்தேன்

உன்னை !!!!

என் அதரம்

பட்டு சிலிர்த்த உன்

அதரங்கள் - வந்ததை

திருப்பித் தர - சாரலாய்

இருந்த மழை

புயலாய் மாறியது !!!

அன்புடன் எல்கே

வார்த்தைகளும் எதிர்பார்ப்பும்

2010-10-19T17:00:00.001+05:30

நிலவின்

ஒளியில் பேசி

களித்திருந்த நாட்கள்

பல - இன்றோ

பௌர்ணமி நிலவும்

ஒளி வீசவில்லை - நீ

இன்றி ஒளி வீச

நிலவு கூட மறுக்கிறது !!!

காத்திரு வருவேன்

சில நாளில் என்றாய் - காத்திருக்கிறேன்

இன்றும்

உனை எதிர்பார்த்து !!!!

***************************************************************************************

வார்த்தைகள்தான்

கொல்லும் என

எண்ணினேன் - உணர்ந்தேன்

இன்று வார்த்தைகளை

மௌனம் மிஞ்சும் என்று !!!

மௌனமே எனைக்

கொல்லும் ஆயுதமோ - பேசிவிடு

என்னிடம் நான்

இறக்கும்முன் !!!!

அன்புடன் எல்கே

முழுதுமாய்

2010-10-18T07:10:00.000+05:30

என்னில் பாதியாய்
வாழ்வின்
மீதியாய் கலந்தாய்!!

என் வெற்றியில் நீ
மகிழ்ந்தாய் - தோல்வியில்
உற்சாகமூட்டினாய்!!!

கண்ணசைவில் சித்திரங்கள்
படைத்தாய் - வாழ்வை
வசந்த கால சோலையாக்கினாய்!!!!

என் சுகமே உன்
விருப்பம் என்றாக்கிக்
கொண்டாய்!!!

கோபங்களையும் சிரிப்பால்
புன்னைகை ஆக்கினாய்!!!

உன் பாதியாய் அல்ல
முழுதுமாய் நானானாய் !!!

அன்புடன் எல்கே

காட்சிப் பொருள்

2010-10-17T11:48:00.000+05:30

காதலின்
பெயரில் நகரெங்கும்
அலங்கோலங்கள் - பொது
இடம் அனைத்தும்
அகற்ற முடியா குப்பைகளாய் !!!

வாலிபத்தின்
உச்சத்தில் - ரத்தத்தின்
உஷ்ணத்தில் - நாளையை எண்ணாத
மனத்தில் - அன்றைய
வேகத்தில் - கண்ட
இடத்தில் அணைப்பதா
காதல் ???

தேங்காய் மாங்காய்
சுண்டல் விற்போர்
உண்டு - பூவும்
பிறவும் ஏன்
இளமையை விற்போரும்
உண்டு - இவர்கள்
மத்தியில் - நான்கு
சுவர்களின் மத்தியில்
அரங்கேற்ற வேண்டியதை - பொதுவில்
காட்சிப் பொருளாய் ஆக்கும்
மாக்கள் சிலர்!!!

சிற்றின்பம் அதை
தன்னின்பமாய் என்னுவோரே
உங்கள் ஆட்டங்களை
வைத்துக்கொள்ளுங்கள் அறையினுள் !!!

அன்புடன் எல்கே

காத்திருக்கிறேன்

2010-10-13T06:38:00.000+05:30

என்னுடன்
ஏனோ சண்டை - உன்
கொலுசோசை கேட்டு
கண்கள் உனைத்
தேட - நேரமது
ஓட ஓசை
காற்றில் கரைந்தது !!!!

உன்
பாதத் தடங்கள்
எங்கும் நிறைந்திருக்க - வியக்கிறேன்
அவை எனைக் காண
ஏன் வரவில்லையென ???

ஏற்கப் படாத
அழைப்புகளும் - பதிலில்லா
கேள்விகளுமாய் காத்திருக்கிறேன்
நான் - விடை
கிடைக்குமா இல்லை
குழப்பம்தான் மிஞ்சுமா ???

ஏற்றுக் கொள்

2010-10-12T05:59:00.000+05:30

கார்மேகம் மழையின்
அறிகுறி - விரிந்த
உன் கரும்
கூந்தலோ காதல்
யுத்தத்தை துவக்கும்
அறிகுறி !!!

உன்
கரு விழிகள்
போர் வில்லென - காதல்
கணை என்
நெஞ்சினில் தொடுக்க - காதல்
யுத்தமது துவங்கியது !!!

வளைந்த புருவங்களும்
கார்வண்டை ஒத்த
விழிகளும் காந்தமென
எனை ஈர்க்க - சிவந்த
இதழ்கள் எனை
வரவேற்று புன்னகைக்கும் !!!

வேட்டையாடும்
புலியாய் நீயிருக்க - விரும்பி
வலையில் வீழும்
வேடன் நான் - ஏற்றுக் கொள்
என்னை உன் உணவாய்!!!!

அன்புடன் எல்கே

பாரதிப் பாட்டு

2010-10-11T06:34:00.000+05:30

காலை எழுந்தவுடன் படிப்பு
பின் கனிவு குடுக்கும்
நல்லப் பாட்டு என்றான்
முண்டாசுக் கவி - இன்றோ
காலை எழுந்தவுடன் கார்ட்டூன்
பின் பாடம் சொல்லித்தரும் பள்ளி
என்றாகி விட்டதே!!!

மாலை முழுதும் விளையாடு
என்றான் -மாலை முழுதும்
ட்யூசன் பின் மீண்டும்
பள்ளிப் பாடம் !!!!

ஓடி விளையாட சொன்னான்
குழந்தைகளை - அவைகளும்
செய்கின்றன கணிப்பொறியில்
பொம்மைகளாய் ஓடி
விளையாடுகின்றன !!!!

பாரதி சொன்னதில்
இன்றைய சிறார்கள் கேட்பது
ஒன்றுதான் - ஒரு குழந்தையை
வையாதே என்றான் - கூடி விளையாடினால் அன்றோ
சண்டை வர ???

அன்புடன் எல்கே

இரட்டை முகங்கள்

2010-10-09T20:48:00.000+05:30

எங்கு சென்றாலும்
இரட்டை முகங்கள்!!!

நம் முன்
ஒரு முகம் - நம் முதுகுக்குப்
பின்னொரு முகம் !!!

எலும்பில்லா
நாக்கை சாட்டையாய்
சுழற்றி ரணமாக்கி
மகிழும் முகம் அது !!!!

முகம் மட்டுமா
இரண்டு - நாக்குகளும்
தேவைக்கு ஏற்ப
வடிவெடுக்கும் விந்தைதான்
என்ன ???

அன்புடன் எல்கே

ஏனடா...

2010-10-09T06:36:00.002+05:30

காதல் என்றாய்
பெற்றோரைப் பிரிந்தேன் ...

உனக்காய் தாய்மொழி மறந்தேன்
உன்மொழி பயின்றேன் ...

குடும்பம் என்றாய்
வேலையைத் துறந்தேன் ..

புருவம் நெளித்தாய்
நட்பை மறந்தேன்..

மோகம் என்றாய்
என் நிலைப் பொறுத்தேன் ..

பணம் என்றாய்
நகை தந்தேன் ...

எல்லாம் உனக்காய் துறந்தும்
எனை நீ துறந்தது ஏனடா ???

டிஸ்கி : மீள் பதிவு

அன்புடன் எல்கே

நாணமா அச்சமா ??

2010-10-08T06:23:00.000+05:30

உன் கண்களினால்
அழைக்கிறாய்- அக்கண்கள்
செய்யும் மாயம்தான்
எத்தனை ?

கருவண்டை பழிக்கும்
கருவிழிகள் - மேலும்
அழகூட்டும் மை!!!

உன் செவ்விதழ்
செப்பாத வார்த்தைகள்
உன் விழிகள் செப்பியதே !!!

பிறர் பார்க்கா
நேரம் - ஒரு கணத்தில்
உன் விழிகள்
ஓராயிரம் வார்த்தைகள்
செப்பிய மர்மம் என்ன ?

நான் உனை
நெருங்க -அகன்ற
உன் விழிகள் அச்சத்தால்
மேலும் விரிய ...

என் விரல்
உன் கை தொட்ட
அந்நேரம் - உன்
விழியில் கண்டது
நாணமா அச்சமா ??

அன்புடன் எல்கே

காதல் யுத்தம்

2010-10-05T07:15:00.000+05:30

பல நாள் பிரிவுக்குப்

பின் உனை

கண்ட அந்நேரம் - விரல்

பற்றி கையிலே

முத்தம் இட்டு

உனை அணைத்தேன் ..

உன் அதரம்

தொட்டு - சங்கு

நிகர் கழுத்தில்

தடம் பதித்து - இடை

பற்றினேன்!!!!

இடை தொட்ட அந்நேரம்

உன் கண்கள்

மயங்க - மறுப்பாய்

ஒலிகள் வந்தாலும்

உன் மனம் அதை

விரும்ப துவங்கியது
காதல் யுத்தம்!!!

தோல்வி இல்லை

இதில் - வெற்றி

இருவருக்குமே --

சுவர்களே சாட்சியாய்

காதல் யுத்தம் !!!!

நெடு நாள்

காத்திருந்தாலும் - காத்திருத்தலின்

பலன் -வலியை
மறக்கடிக்கிறதே!!!!

அன்புடன் எல்கே

நான் இறந்து போயிருந்தேன்.

2010-10-04T06:53:00.006+05:30

நான் இறந்து போயிருந்தேன்
உன் ஒற்றை சொல்லில் -
பின்னோக்கிப் பயணித்தது
மனது !!!!

ஜோடிப் புறாக்களாய்
காதல் வானில்
சிறகடித்து திரிந்தோம் -
கண் பட - பிறர்
கண் நம்மேல் பட -என்
சுவாசம் பட
இருந்த நீ கண் காணாமல் போனாய் ....

வந்தாய் இன்று - உன்
ஒற்றை சொல்லால் எனை
கொல்ல!!!

காலமே பதில்
சொல்லட்டும் - நீ
இல்லா தனிமரமாய்
இனி என் நாட்கள் - நீரற்ற
ஏரி போல்
காய்ந்த மனதுடன்!!!!!

பி.கு : என்னடா இவன் மறுபடியும் சோகக் கவிதை எழுதறான்னு யாரும் திட்ட வேண்டாம்,. நேற்று பின்னூட்டத்தில் ஒரு நண்பர் இப்படி ஒரு சவால் கொடுத்து இருந்தார்.
//பாரத்... பாரதி... said... "நான் இறந்துப் போயிருந்தேன்..."
இப்படி ஆரம்பிக்க முடியுமா? ஒரு கவிதையை... நிகழ்காலத்தில் தொடங்கும் அறிவுமதியின் இந்த வரிகளைத் தொடக்கமாகக் கொண்டு, இறந்த காலம் கடந்து, எதிர்காலத்தைத் தொட்டு முடியட்டும் உங்கள் கவிதை..//

இந்த சவாலுக்கு பதிலே இந்தக் கவிதை

தென்றலும் சுடும்

2010-10-03T13:14:00.001+05:30

மதி மயங்கும் மாலை
நேரம் - மனதை
வருடும் தென்றல்
கண்ணுக்கினிய
சோலை !!!

மயங்கும் சூழலில்
மறக்க
நினைத்தாலும் விடாத
உன் நினைவுகள் !!!

சோலையில் உன்னுடன்
இருந்த நாட்கள் - பொய்யாக
நீ கோபித்து
ஓட - நான் உனை
துரத்த - நம்மை
மறந்திருந்த தருணங்கள் !!!

வாழ்வின்
வசந்த காலம் அது -கோடை
வெயிலிலும் மழையாய்
என் உஷ்ணம் தனித்த
காலமது !!!

பருவமது
வசந்தமானாலும் - மனமதில்
சுழல் காற்று - காலத்திற்கு
தெரியுமோ உன் பிரிவில்
தென்றலும் சுடுமென்று ??

அன்புடன் எல்கே

இறுதித் தீர்ப்பு

2010-10-01T08:44:00.001+05:30

கவிதைப் போட்டியில் கலந்து கொண்டு கவிதைகளை அனுப்பிய அனைவருக்கும் எனது நன்றிகள். வந்தக் கவிதைகளில் எது சிறந்தது என்று தேர்ந்தெடுப்பதில் மிக குழப்பம். ஒவ்வொருத்தரும் அருமையா எழுதி இருக்கீங்க. இதில் எது சிறந்ததுன்னு எப்படி என்னால் தேர்வுசெய்ய முடியும் ??? அதனால் அந்த வேலையை வேறு ஒருத்தர் கிட்ட கொடுத்துவிட்டேன்.

பதிவுலகத்தை சேராதவரும்,ஓய்வுப் பெற்ற தமிழாசரியருமான ஒருவர் பரிசுக்குரிய கவிதையை தேர்வுசெய்தார். பரிசு பெற்றவருக்கு அமரர் சுஜாதாவின் புத்தகம் (PDF) மின்னஞ்சலில் அனுப்பப்படும். கலந்து கொண்ட அனைவருக்குமே இந்த விருதை அளிக்கிறேன். அனைவரும் இதை ஏற்றுக் கொள்ள வேண்டும்.

இப்பொழுது பரிசு பெற்ற அந்தக் கவிதை

இன்றே இப்பொழுதே இக்கணமே

வாழ்க்கை என்னும் பறவை
சிறகசைத்துப்பறப்பதும்
சிறகொடிந்து தவிப்பதும்
அவரவர் கைகளில்தான்..
குழந்தாய்..
பிறர் கைகளில் தங்கியிருந்தால்
சுயமிழந்து போவாய்..

உன் கையில்தான் உன் வெற்றி

வாழத்துவங்கு
இன்றே இப்பொழுதே இக்கணமே

உன் கையில் உலகை வைத்து
உன் வாழ்வை பறவை ஆக்கு

இதை எனக்கு தனி மடலில் அனுப்பி இருந்தவூர் நிந்தவூர் ஷிப்லி

வெற்றிபெற்ற அவருக்கு எனது வாழ்த்துக்கள் .. பங்கு பெற்ற அனைவருக்கும் எனது நன்றியும் வாழ்த்தும்.

கவிதைப் போட்டி

2010-09-29T18:24:00.001+05:30

பதிவுலக கவிஞர்களே !!!!

இதோ உங்களுக்காக ஒரு சிறிய போட்டி. இந்தப் படத்திற்கு பொருத்தமாய் கவிதை எழுதுங்கள். எவ்வளவு சிறிதாய் வேண்டுமானாலும் இருக்கலாம், அதேப் போல் பெரிதாகவும் இருக்கலாம். கவிதைகளை பின்னூட்டத்திலோ அல்லது எனது மின்னஞ்சலுக்கோ அனுப்பவும் . நாளை மாலை (30.09.10) வரை வரும் கவிதைகள் ஏற்றுக் கொள்ளப் படும்

அன்புடன் எல்கே

பிறக்கும் ஒளி

2010-09-24T12:22:00.001+05:30

காதலில் மூழ்கி
காமத்தில் ஆழ்ந்து
தொலைக்கிறோம்
வாழ்வை - முடியும்
தருவாயில்
உணர்கிறோம் செய்த
தவறை!!!

திருத்த இயலுமா

இதை இல்லை

திரும்பி

போகத்தான் வழியுண்டோ !!!

சில நாள்

வாழ்வில் சில மணித்துளிகளே

இளமையும் ஆட்டமும் -

ஆட்டம் ஒரு

புறம் இருக்க - சிந்தனையும்

தேவை !!!!

ரத்தமது சுண்டினால்

மனமது

சிந்திக்கும் - சுண்டுமுன்

சிந்தித்தால் வாழ்வில்

பிறக்கும் ஒளி

புதிதாய் படைத்தாய்

2010-09-23T17:34:00.002+05:30

கொஞ்சும் உன் குரல்

காதில் ஒலிக்கும்

தருணம் மனமது

இன்பப் பெருவெளியில்

மிதக்கும் !!!

மனதின் கர்வங்கள்

அகல

நான் மெதுவாய்

கரைகிறேன் - உன்னில்

கலக்கிறேன் !!!

பழக பழக

என்னை இழக்கிறேன் !!!

காதலால்

கர்வமழித்தாய் - எனை

முழுதும் அழித்து

புதிதாய் படைத்தாய்- நீ

நிரம்பிய நானாய் .

நீ

இன்றி நானில்லை

இனி!!!

நினைவுப் பொருள்

2010-09-22T17:28:00.001+05:30

பால் நிலா

ஒளி வீச - தென்றலது

தழுவி செல்ல - காத்திருந்தேன்

உன் வரவை எண்ணி..

வரவிருப்பதோ

நெடியப் பிரிவு - நமக்கிருப்பதோ

சில மணி நேரமே ...

மணித்துளிகளோ

கரைந்துக் கொண்டிருக்க -

மனமோ தவிப்பிலிருந்து

கோபமாய் உரு மாறி

கோபமும்

எல்லை மீற - கிளம்ப

எண்ணுகையில் - இன்னிசையாய்

கொலுசொலி கட்டியம்

கூற நிலவுக்குப்

போட்டியாய் வந்தாய் நீ!!!

பிரிவின் வலி

நீக்க நினைவுப் பொருள்

கேட்டேன் - பொருள்

வேண்டாம் - இதுவேப்

போதும் என நீ

அளித்த முதல் பரிசு....!!!!

பிரிவில் மட்டுமல்ல

என்றும் மறவாது !!!!

சொல்லாமலே

2010-09-21T12:48:00.001+05:30

கல்லூரியின்

முதல் நாள் - முகத்தில்

புன்னகையுடனும் மனதில்

பயத்துடனும்

உள் நுழைய - வகுப்பறையில்

நிலவென நீ

மனதில் இருந்த

பயம் நீங்கி

ஆக்ரமித்தாய் நீ ..

உன் பின் தொடர்வதே

பணியாகிப் போனது - காதல்

இருந்தாலும் வெளிக் கொணர

ஏனோ தயக்கம்...

வருடங்கள் உருள

காதலும் வளர்ந்தது

வெளிப்படாமலே ...

நாள் பார்த்தேன்

வெளிப்படுத்த - அத்தினமும்

வந்தது - காதலர்க்குத்

திருவிழாவாம் காதலர் தினம்

மனதில் ஆசைகளுடன்

கல்லூரி வர - நான் தரும்

முன் நீ எனக்களித்தாய்

உன் திருமண அழைப்பிதழை..

சொல்லாமலே மரித்தது

என் காதல்...

அன்புடன் எல்கே

என் செய்வேன் ???

2010-09-20T11:16:00.001+05:30

மனதில் எதோ

கவலை...

வார்த்தைகளில் அதை

வடிக்க துவங்கினால்

வார்த்தைகள்

போராட்டம் வரமறுத்து ...

கவலை போக்கும்

வழிதான் தெரியவில்லை - அதை

மறக்க கவி

எழுதினால் - வார்த்தைகளும்

போராடுகின்றன ..

கவி எழுதவா -

பிரச்சனையை தீர்க்கவா ???

என் செய்வேன் ???

அன்புடன் எல்கே

பின்னோக்கி போகிறேன்

2010-09-19T20:13:00.000+05:30

இனி ஏது?

2010-09-17T11:20:00.001+05:30

காதலின்

இடையில் ஊடல் ..

இது காதலின்

இலக்கணம் அன்றோ - ஊடல்

இல்லா காதல் ஏது ??

ஊடலின் முடிவில்

மேலும் காதலே - இன்னும்

உறுதியாய்...

நான் மட்டும்

விதிவிலக்கா??

ஊடல் அழிய -காதல்

தொடர - நெருங்கினேன்

உனை...

உன் கண்ணிலும்

காதல் தெரிய - நெருக்கத்தில்

என் தோளில் - தலை

சாய்த்து நீ ...

உன் கன்னம் தொட

என் அதரம் எத்தனித்த

தருணத்தில் நீ

திரும்ப அவை தொட்ட

இடம் ....

வெட்கத்தில் கன்னம்

சிவக்க தலை

குனிய - கன்னத்தை

மேலும் சிவக்க வைக்க

நான் முயல

ஊடல் இனி ஏது ??

அன்புடன் எல்கே

சமர்ப்பணம்

2010-09-15T08:37:00.002+05:30

கடந்த காலம்

தெரியாது ...

பார்த்ததும் இல்லை...

முகபுத்தகமோ, ஆர்க்குட்டோ

பதிவுலகமோ - நட்பாய்

பழகினாய் ...

மன கஷ்டமோ

உடல் நலக் குறைவோ

முதல் விசாரிப்பும் - ஆறுதலும்

நீதான்..

இணைய நட்பு

இந்த அளவே என்று

எண்ணினேன்- அதை

தகர்த்தாய் நீ...

நட்புக்கு இணையமோ

மெய்யுலகமோ பொருட்டில்லை

என சொன்னாய் - செயலிலும்

நிரூபித்தாய் ..

எப்படி சொல்வேன்

நன்றி ???

டிஸ்கி : எனது வாழ்வில் நண்பர்களுக்கு தனி இடம் உண்டு. அதுவும் எனது வாழ்வின் மிக சோதனையான சில கால கட்டங்களில் எனக்கு மிக

உதவியாக இருந்தது சில இணைய நட்புகள்தான். அவர்களுக்கு இந்த கவிதை சமர்ப்பணம்

அன்புடன் எல்கே

தற்காலிகம்

2010-09-13T09:03:00.000+05:30

காத்திருந்தேன்
காதலுடன் நீ வரும்
நேரம் எதிர்பார்த்து ...

தாமதம் என்னவோ
சில நிமிடங்கள்தான் - ஆனால்
மனமோ பல மணி நேரம்
என சொல்லும்...

தென்றல் அது வீச
கலைந்த கூந்தலை
ஒதுக்கி நீ
வரும் நடையில்
அன்னமது வெட்கும்..

பேசியது பல மணி
நேரம் - மனம் உரைக்கும் சில
நிமிடங்கள்தான் என...

வானிலே நிலா
பவனி வர - நீ
கிளம்பினாய்
பிரிவு தற்காலிகம்
எனினும் மனமது
இருண்டது...

அன்புடன் எல் கே

கனவாய் போனதென்ன

2010-09-10T11:11:00.001+05:30

அதிகாலை

நேரம் - இரவின்

இருள் பிரிந்தும்

பிரியாமலும்..

தொலைவில் எங்கோ

ஒரு பறவை கானம்

பாட -

முன்னிரவின் கனவில்

இருந்து வர மனமில்லாமல்

நான்...

கனவிலே நீ

தந்த பரிசை தடவி

பார்க்க

எத்தனிக்கும் மனம் ...

பின் உணரும் அது கனவில்

அன்றோ நிகழ்ந்தது என. .

பரிசு போல்

என் காதலும்

கனவாய் போனதென்ன ....

என்னருகில் நீ ...

2010-09-06T05:42:00.001+05:30

அதிகாலை பொழுது
இருள் பிரியா
நேரம் ....

பனியின் தாக்கம்
பழத்தில் ஊசி
போல் ஊடுருவ ...

நடுங்க வேண்டிய
உடலோ தகிக்க
மனமது நடுங்கியது ...

என்னருகில் நீ ...

அன்புடன் எல்கே

அது ஏனோ ??

2010-09-04T17:13:00.001+05:30

எங்கிருந்தோ

வந்தாள் -

நட்பென தென்றலாய்

வீசினாள் - மெல்ல

காதலாய் மாறினாள் -

வசந்தத்தை பரிமாறினாள்

உள்ளத்தையும்

அளித்தாள் - எனை

மீளா மயக்கத்தில் ஆழ்த்தினாள் ...

மயக்கத்தில் நான்

தடுமாறிய சமயம் - விடை

பெற்று சென்றாள் - அது ஏனோ ???

இறந்தவனுக்கு

2010-09-03T09:29:00.001+05:30

வானத்தில்
இருள் சூழ
என் மனமும் இருண்டது...

வானத்தின் இருள்
மழையின் காரணம் .... என்
மனமது இருள உன்
வார்த்தையே காரணமாய்....

ரத்தமின்றி
எனை கொன்றாய் உன்
வார்த்தைகளால் - எங்கு
பயின்றாய் இதை ??

இனி நீ
சொல்லும் எதும்
எனை பாதிக்காது - இறந்தவனுக்கு
ஏது வலியும் கோபமும் ??

அன்புடன் எல்கே

வெட்க சிவப்பு

2010-09-01T16:13:00.000+05:30

ஒளிவீசும்
பௌர்ணமி இரவு...
ஆர்பரிக்கும் கடல் ...

தோளில் தலை
சாய்த்து நீ....
உன் காதில் நான் சொல்லும்
வார்த்தையில் உன் முகம்
வெட்கத்தில் சிவக்க ..

நிலவோ காலை
ஆதவன் வந்தான் என
மறைய முற்பட - பின்
வான் வெளியின் கருமை கண்டு
உன் வெட்க சிவப்பே
காரணம் என தெளிந்தது

கனவு

2010-08-31T16:11:00.000+05:30

நள்ளிரவில்
அருகிலே நீ
வேறு யாருமில்லாத் தனிமை...
எங்கும் நீ
கூறும் வார்த்தைகளே
ஒலிக்க
மனதிலே பரவசம் ....

கரம் பற்ற
எண்ணுகையில் விலகி
நீ ஓட ..

பின் தொடர
எண்ணுகையில் விழித்தேன் ..
உணர்ந்தேன் இவை
என் கனவென .

கனவது
நிஜமாகாதா ?

இன்பவெளியில்

2010-08-26T08:39:00.001+05:30

உன் தோளில்
நான் சாய்ந்து கொள்ள
ஆதரவாய்
உன் கரம் என்
முடியை கோத
அந்த நிமிடம்
வாழ்வின் சொர்க்கம்

ஏதேதோ வார்த்தைகளை
வாய் பேச
செவியில் விழுந்தும்
கேட்கவில்லை அவை ...

மனம் இன்பவெளியில்
பறக்க
நான் நானாக இல்லை
அங்கு..

உன் அதரங்கள்
என் கன்னத்தைத் தொட
இவ்வுலகம் திரும்ப
எத்தனித்த மனம்
மீண்டும் இன்பவெளியில்

அன்புடன் எல்கே

காத்திருத்தல்

2010-08-25T09:00:00.000+05:30

காத்திருத்தல்

என்றும் அவஸ்தையே ...

காதலிக்காக

காத்திருத்தல் இன்ப

அவஸ்தை எனில்

பேருந்துக்காக காத்திருப்பது

துன்ப அவஸ்தை ..

பணத்திற்காய்

காத்திருப்பதோ

மரண அவஸ்தை ...

வருமா வராதா எனத்

தெரியாமல் காத்திருக்கும்

ஒவ்வொரு நொடியும்

மரணத்தின் வாசலே.

இனம் புரியா பயம்

வந்து

மனதை வாட்ட

வேலை எதிலும்

மனம் செல்லாது ....

ஆறுதல் கூறவும்

ஆள் இன்றி

பலர் இருப்பினும்

மனமது தனிமையில்

தவிக்கும்...

இதற்கு மரணமே

மேல்...

பலர் சுற்றி

இருந்தும்

யாரும் இல்லா

உணர்வு ,,,,

பல கடமைகள்

இருந்தும்

எதுவும் செய்ய வேண்டாமென்ற

மன நிலை ...

வழி ஏதும்

தெரியவில்லை ...

நான் பயணிப்பது ஒரு வழிபாதையோ

நான் இருப்பது

மேல் செல்ல வழி இல்லா

இடமோ ???

இந்நிலை தொடரின்

விடை தான் என்ன??

விடை தெரியா கேள்வியால்

கணம் தோறும்

புதிதாய் குழப்பங்கள்

மனதில்...

காத்திருத்தலின் இறுதியில்

விடை கிட்டுமா இல்லை

குழப்பமே எஞ்சுமா ?

வசந்தத்தின் மறு பெயர்

2010-08-24T08:40:00.000+05:30

அவள் முகம் கண்டாலே
என் அகம் ஒளிரும் ...
அவள் வாராவிடில் அகத்தில்
சூழும் இருள்..

பேசும் வார்த்தைகளில்
எனக்கும் தொற்றும்
அவள் உற்சாகம்...

வசந்தம் வந்தால்
மலர்கள் பூத்து குலுங்கும்
இவள் வந்தாலோ
கவிதை பூக்கும் என்
மனதுக்குள்...

ஒரு நாள் அவளை
காணாவிடினும்
புயல் வந்து சென்ற
இடமாய் என் மனம் ....

வசந்தத்தின் மறு பெயர்
அவளோ ?

அன்புடன் எல் கே

கண்கள்

2010-08-22T16:13:00.000+05:30

சண்டை பொழுதிலும்
உன் கண்கள்
காதலை
வெளிப்படுத்தும் ...

பலநாள் பேசாமல்
உனை பார்த்தால்
உன் பார்வை
எனை வீழ்த்தும்

காதல் பொழுதிலோ
அவை
எனை கிறக்கத்தில் ஆழ்த்தும் ...

இப்பொழுது
மீளா தூக்கத்தில்
அவை திறவாமல்
மூடிக் கிடப்பது ஏனோ ???

அன்புடன் எல்கே

எங்ஙனம்????

2010-08-19T08:57:00.000+05:30

அமாவாசையின்
இருள்

மின்சாரத்தால் விலகும்!!

மின்வெட்டின்
இருள்

மெழுகுவர்த்தியால் மாயும்!!

அன்பே !!
உன் பிரிவின்
இருள்

எங்ஙனம் மாயும்!!!

அன்புடன் எல்கே

சுதந்திர தினம்

2010-08-15T14:15:00.000+05:30

பள்ளி செல்லும்
சிறாருக்கு மிட்டாயுடன்
கொண்டாட்டம் ...

வேலைக்கு செல்வோருக்கு
விடுமுறை தினம்

அரசியல்வாதிக்கு அவன்
செய்த சாதனையை(?!)
விளம்பரம் செய்ய
மற்றுமோர் வாய்ப்பு ..

யார்தான் சுதந்திரத்தை
கொண்டாடுகிறோம் ??

அன்புடன் எல்கே

நாணத்தால்

2010-08-13T20:15:00.003+05:30

காதலாய் கரம்
நீட்டினாய் ...
விரல் தீண்டி
இடை வளைத்தேன் ..

ஸ்பரிசத்தில் கண்
மூடினாய்..
உன் இதழ் நோக்கி
என் முகம் தாழ
இதழ் தொட்ட நேரம்
விலகி சென்றாய்..

குழப்பத்தில் நான்
திகைக்க - எனை
அணைத்தாய் வந்து ..

உணர்ந்தேன் விலகல்
சினத்தால் அல்ல -
நாணத்தால் என்று.....

அன்புடன் எல்கே

வலி

2010-08-11T17:39:00.000+05:30

நீ கூறிய

ஒவ்வொரு

வார்த்தையும் எனது இதயத்தை

கிழித்ததை நீ அறியாயோ ??

என் இதயத்தை

கிழிக்க வேண்டும் என்று

கேட்டிருந்தால் நானே

கிழித்து தந்திருப்பேன்

உன் வார்த்தைகளின் வலியை

விட கத்தியின்

வலி குறைவே ...